dilənçilik etmək

dilənçilik — ehtiyacla manipulyasiya arasında incə bir xətdir.

kimisi doğrudan ehtiyacdan edir, kimisi isə bu işi sistemə çevirib öz biznes modelini qurur. məsələn, şəhərin ən işlək küçəsində “çalışqan” dilənçi portfeli:
– günorta: əli sarğılı.
– axşam: “uşağım xəstədi, yol pulu yoxdu”.
– gecə: “bi nəfər 20 qəpik ver, kombini yandıraq…”

və ən təsirlisi — bir gözü yaşlı, bir əli uzadılmış yaşlı qadın. onsuz da cəmiyyətin vicdanına ən yaxşı oyunçular belə təsir edə bilmir, amma o qadın edir.

amma məsələ təkcə pul istəmək deyil.
bəziləri ofisdə dilənir — “bu işi sən eləsən yaxşı olar”.
sosial şəbəkədə dilənir — “məni də tag elə də qaqa”.
münasibətdə dilənir — “məni bir az da çox sev…”

yəni dilənçilik təkcə küçədə olmur. bəzən geyim bahalıdı, söz diləncidi.

Allah Qurani-Kərimdə buyurur: "İnsan üçün yalnız öz zəhməti vardır." (ən-Nəcm, 39). Dilənçilik, ehtiyac içində olanların çarəsizliyini əks etdirsə də, çalışmaq və halal qazanmaq hər zaman üstün tutulur.

Peyğəmbərimiz (s.a.s) buyurur: "Sizdən biriniz ipini götürüb dağa gedib odun yığıb satması, insanlardan bir şey dilənməsindən daha xeyirlidir." (Buxari). Bu hədis bizə göstərir ki, hətta çətinlik içində olsaq belə, halal zəhmətlə qazanmaq insanın özünü qoruması və izzətini saxlaması üçün vacibdir.

Əlbəttə ki, ehtiyac içində olanlara yardım etmək İslamın əsas prinsiplərindən biridir. Sədəqə vermək və ehtiyac sahiblərinə kömək etmək savabdır. Amma insan gücü və bacarığı daxilində çalışmalı, faydalı bir iş görərək öz rızqını qazanmağa səy göstərməlidir. Allah bizə ruzi yetirən Rəzzakdır, biz isə səbəbə yapışaraq halal yollara yönəlməliyik.