tənhalıq həmişə daha ləyaqətli seçim kimi hiss olunur. Pis münasibət insanı daxildən çürüdür, özündən uzaqlaşdırır, hətta nə vaxtsa özündən də uzaqlaşırsan. Yalnızlıqda heç olmasa özünləsən, öz hüdudunda azadsan. Pis münasibət sizi qəfəsə salır və bu, qızıl qəfəs deyil, paslı və kəskin uclu bir şeydir. Bəlkə də təklik çətindir, amma pis münasibət yavaş-yavaş ruhunuzu öldürür. Seçim çətin görünsə də, əslində elə deyil.
Niyəsə “14 fevral” sevgililərdən çox sevgilisi olmayanların gündəmindədir. Bunu deyim ki, yalnızlıq duyğusundan qaçmaq üçün daimi axtarış içində olaraq heç nə əldə edə bilməyəcəksiz. Hər kəs sevgili istəyir amma ortada sevgi yoxdu belə. Əvvəlcə özünüzlə çevrənizlə barışmalı, içinizdə doğru insanla qarşılaşdıqda ortaya qoyacaq sevgi bəsləməlisiz. Hər hansı birini tapıb sizdə sevgi oyatmasın gözləmək duyğusal yorğumluqdan başqa bir şey gətirməz.
Ən pis şey adamın özünü yalnız hiss etməsidir. Milli bağların qırılması, ailə-qohum bağlarının qırılması deməkdir. Ailə bağlarının qırılması da, hərənin bir amala, bir dinə, bir yola xidmət etməsi, parçalanması deməkdir. Baxırsan ki, səninlə eyni dildə danışan milyonlar var, amma sən təksən, köməksiz, arxa-dayaqsızsan, kimsəsizsən..
Özümə uyğun adam tapmamışam və sırf tək qalmamaq üçün insanların gülünc oyunlarına dözmürəm.