tiktok-un cəmiyyətimizin əxlaqını korlaması faktı

Pul qazanmaq üçün yarıçılpaq efirə çıxanlara,
Bütün evi, hətta yataq otağını, hamamını belə göstərənlər,
Gənclərdə yanlış fikirlərə səbəb olanlar,
Söyüş, içki və siqaret çəkməyə təşviq edənlər,
Qarşısına çıxan hər kəsi zarafat adı altında aşağılayanlara,
Davamlı olaraq qurşaq altında danışanlara və minlərlə oxşar TikTok istifadəçisinə baxdığınız zaman fərq edilə bilən bir fakt.

Başqa ölkələrdə necə olduğunu bilmirəm, amma TikTok tətbiqinin ölkəmizdə əxlaqı korladığı dəqiqdir.

Asan yolla pul qazanmağa gəlincə, insanlar diqqəti necə cəlb edəcəklərini bilmirlər.

Ən pisi odur ki, uşaqlar da bu platformadan videolara baxırlar. Hətta 6-7 yaşlı uşaqlar TikTok-dan öyrəndiklərini təkrarlayırlar.
Bekarciligdan gun ərzində mənasız milyonlarla videolara səbəbsiz məqsədsiz baxılan bağlılıq yaradan platforma
Kimsə yanımda TikTok'a yüksək səslə baxanda istəyirəm alım telefonunu vurum yerə. 100％ vol'la videoya baxmaq sizi necə narahat etmir, axı?
TikTok Amerikada ban olunduqdan qısa müddət sonra Duolingo-da dil öyrənənlərin sayı 2.2 dəfə artıb. Vaxtın idarə edilməsi məsələsini görürsünüz? İnsanlar darıxırlar, bir şeylər etmək istəyirlər, əllərində nə varsa onunla oynayırlar. Xoşbəxtlikdən bunu seçmək şansı sizin öz əlinizdədir.
Kaş bu BMW və Merci,tik tokda olan qızların fiqurasını,geyimlərin markasını müqayisə edib müzakirə etdiymiz qədər 1 normal fikri,kitabı müzakirə edərdik,başqa ölkələrlə özmüzü müqayisə edib (təhsil,iqtisadiyyat kimi sahələr baxımından açıq geyinməklə yox) inkişaf etməyə çalışardıq.
Burdan bir daha səslənirən. Ümumiyyətlə Tiktok platforması telfonunda olan adamdan olmaz. Uzaq durun, o platformadan, kimlər daimi istifadə edirsə manyak kimidilər. Ordakı canlılar falan təmiz başlarını pozub. Ciddi şəkildə deyirəm o platforma bir xəstəlikdi sanki qəsdən insanların əksəriyyətinin gözünü yummaqdan ötrüdü. Neçə neçə ailələrin dağılmasına səbəb olur. Gözünüzü açın diqqətlə baxın ətrafınıza, görün nəqədər fəsadlar törədib qısa müddətdə
Tiktok camahatin başini xarab eliyib day
Tiktokda 90％ insanlar
Pozgunculugu tebliğ edir
İndiki cavanlara pis orney olurlar
Uşaglarin beyninde qalir tiktokda olan seviyyesiz şeyler
Valideynler esasen tiktokdan uzag tutmalidi uşaglari
İndiki zemanenin uşaglari coox pis şeyler oyrenirler
Pew Araşdırma Mərkəzi müəyyən edib ki, 18-29 yaşlı gənclərin təxminən üçdə biri TikTok-dan mütəmadi olaraq istifadə edir ki, bu da digər yaş qruplarını xeyli qabaqlayır.
Çox problemli bir asılılıqdır. İnsanlar yemək yeyərkən, oturarkən, işləyərkən, tualetdə olarkən, hətta yeriyərkən belə TikTok və ya Reels videolarını sürüşdürür. Adam tələsik harasa gedir, aydındır ki, tələsir, amma o tələsikliklə belə Reels izləməyə çalışır. Düz-əməlli izləmir də, sadəcə sürüşdürür. Daim bir sonrakı videonu maraqlanır.
Klişe olacaq, amma artıq millət tamamilə zombiləşib. Əvvəllər bu qədər zombilik yox idi.
Tiktokda "Lokko" adlı biri məşhurlaşıb. Yeniyetmədir. Bəs nə edib ki, trend ola bilib? Heç nə. Kiminsə mahnısına ağız tərpədib, ağzı tərpənəndə mırıq dişi görünüb, vəssalam. Milyonlarla insan izləyir, "sən məşhur ol, bala, haqq edirsən" kimi cümlələr yazılır. Televiziya belə dəvət edib bu uşağı.

Mənim işim bu uşaqla deyil. Nə də məşhurluğuna sözüm var. Özüm tanınmasam, deyərdiniz ki, paxıllıq edir. Mən illərdir Azərbaycan insanının psixilogiyası ilə maraqlanıram. Müşahidə edirəm.

Məsələ belədir ki, Azərbaycan xalqı efirdə, toyda, kinoda, tiktokda özünə oxşayan adamları görmək istəyir. Təkcə Azərbaycan xalqı yox, elə şərq xalqlarının əksəriyyəti. Bu xalqın qarşısına səliqə-sahmanlı, ağzından bal tökülən, savad fışqıran adamlar maraqlı gəlmir. Çünki bu tip adamlar xalqın özünə oxşamır.

Necə ki Türkiyədə Kemal Sunalın filmləri məşhur idi. Necə ki Kemal Sunaı da xalqdan biri olan obrazlar yaratmışdı. Onun Şaban obrazı da elə xalqın istədiyi tip idi.

Bizdə də bu cür. Görün nə qədər obrazlar var tiktokda. Hamısı aşağı-yuxarı belə tiplərdir. İndi lokodu, mokodu, nədirsə, bu uşaq da öz mırıq dişi ilə insanları ovsunlayıb.

Kimlərsə onun mırıq dişinin düzəldilməsini istəyir. Səhv edirlər. Bu uşağın mırıq dişi düzəlsə, marağı qalmayacaq. Açar nöqtə o mırıq dişdir. Xalq mırıq dişli adamlarla əylənməyi sevir. Xalq özü öz mırıq dişini düzəltdirməyə güclə pul tapır.

Təbii ki, uzağı beş-on günlük məşhurluqdur bu. Sabun köpüyü kimi. Çünki arxasında xüsusi istedad, intellekt dayanmır. Çox obrazlar belə bir saata yaranıb, beş-on günə yox olub. Ona görə bu məni narahat etmir.

Məni narahat edən cəmiyyətin mırıqlığıdır. Bu mırıqlıq getdikcə artır və böyük boşluq yaradır. Bunu necə düzəldəcəyik? Çətindir...